Mā te taki te kāhui ka tau - Te Waiaro ki te Reo Māori i ngā Hinonga Kāwanatanga

Māori;te reo Māori;Māori language;language;language planning;language policy;New Zealand Government;attitude

Leoni, Gianna ; Paterson, Lachlan ; Rewi, Poia

University of Otago

关键词: Māori;    te reo Māori;    Māori language;    language;    language planning;    language policy;    New Zealand Government;    attitude;   

Others  :  https://ourarchive.otago.ac.nz/bitstream/10523/6675/1/LeoniGianna2015PhD.pdf

美国|英语

来源: Otago University Research Archive

【 摘 要 】

Ko te reo Ingarihi te reo whānui-te-māramai roto i ngā kura, i te hapori whānui, i ngā hinonga Kāwanatanga hoki o Aotearoa. Ahakoa kua whakapau kaha te tokomaha o ngā tāngata ki te whakahaumanu i te reo Māori, kāore anō te reo Māori kia māori i ngā wāhi katoa o te hapori. Kāore te whai painga o te reo Māori i te kitea whānuitia e te tokomaha o Aotearoa. He mea whakamana-ā-ture te reo Māori ki Aotearoa i te tau 1987. I te tau 2003 Te Rautaki Reo Māori tuatahi i hangaia ai, ā, i whakahouhia i te tau 2014. Heoi, ka aro tēnei tuhinga ki ēnei rautaki me te whakatinanahia māriretia ōna e te Kāwanatanga ki ōna ratonga katoa. He arotake mātātuhi nō te mahere reo tēnei, ināhoki he huarahi matua hei whakahaumanu i ngā reo o te tokoiti; mā ngā wheako whaiaro o ngā kaimahi, o ētahi hinonga rerekē o te Kāwanatanga e kitea mai ai he ture ā-tuhi noa, he rautaki ā-tuhi noa ēnei ki te nuinga o ngā hinonga, arā, he kupu kau. Ka whakamahuki tēnei tuhinga i te āhuatanga o te mahere reo;he aha ngā mahi mahere reo kua mahia ki Hawai’i, ki Wēra, ki Kānata hei tauira, hei whakatauritenga mō Aotearoa, ā, ka whakamāramatia ngā mahi kua mahia ki Aotearoa. Ka miramiratia ngā hinonga Kāwanatanga hei wāhi whakahirahira ki te whakakaha i te reo Māori, ināhoki kāore anō tētahi atu tuhinga whakapae kia āta titiro ki ngā hinonga Kāwanatanga nei.Ko ngā kōrero a ngā kaiwhakaurute ngako o ētahi wāhanga. Ka whakamahuki ā rātou kōrero nei i te whakamahinga o te reo Māori; i ngā mahi hāpai, akiaki hoki i te reo Māori; tae atu ki te waiaro mō te reo Māori ki ō rātou ake hinonga. Ka aro ki ngā tāhuhu matua e toru i puta mai i ēnei uiuinga: te rahi o te reo ka whakamahia; te whakatinanatanga o Te Rautaki Reo Māori i ngā hinonga Kāwanatanga; ngā whāinga hoki o ngā kaimahi hei whakarato i ngā ratonga tika mō ngā kiritaki. Ka whakarawe te wāhanga whakamutunga i ētahi tohutohu hei ārahi i ngā hinonga Kāwanatanga ki te whakatinana i Te Rautaki Reo Māori. Ka whakakōpanihia tēnei tuhinga whakapae ki te taha whakahaere a ngā kaimahi, inā, ki te noho tangata whenua mai o te reo Māori me te wāhi ki te whakatinana i tā te kupu ā-tuhi, ā-waha, i kī atu ai.